"Dervis!" Nagagalit na hiyaw ni Xerxes at hiniklat ang damit ng kanyang kakambal.
Ilang beses na nila sinusubukan ito pakainin at painumin pero itinapon lang niya ito palayo sa kanya. Nang una ay nagtitimpi pa siya sa inaasal nito pero hindi na niya kaya pa na tagalan ang kanyang ginagawa.
Masyado na sila mga abala sa pagpla-plano laban sa mga opisyales at paghahanda sa pagbalik sa kapital para isipin pa ang kayang lagay.
"Talaga bang itatapon mo na ang buhay mo?! Nakalimutan mo na ba ang problema na kinakaharap ngayon ng kaharian?! Mas pipiliin mong magmukmok rito kaysa tulungan ang palasyo na pigilan ang kudeta?!" Dagdag pang hiyaw ni Xerxes.
Lanta at walang kabuhay buhay na tinignan ni Dervis sa mga mata si Xerxes. Hindi man lang ito nanlaban sa ginagawang pag-aaway sa kanya ngayo
