*Booooom!*
Natigilan ang mga naglalaban ng sumambulat ang isang malakas na pagsabog malapit sa gate ng palasyo.
"Di ba roon ang pinuntahan na direksyon nina Xerxes?" Kinakabahang sambit ni Blake saka napalingon sa direksyon ng pagsabog. "Hindi kaya nabigo sila sa kanilang misyon na pigilan ang pagpapasabog ng bomba?"
Namutla naman si Liber. "I-Imposible... Si Xerxes ang taong pinag-uusapan kaya tiwala ako na magagawa niyang pigilan ang pagsabog." Hindi naman naniniwalang sambit ni Liber ngunit kita pa rin ang takot sa kanyang mata para sa mga kasamahan.
Biglang bumagsak naman ang mga kalaban na susugod dapat sa dalawang natigilan sa gitna ng labanan. "Huwag kayo mag-alala... Iba ang dahilan ng pagsabog na iyon." Nakangisi namang komento ni Frolan.
Nagtatanong na tinignan naman siya ng
