"Ilang araw na siya naririto ngunit hindi pa rin siya nagigising." Nag-aalalang sambit ng isang malamyos na boses na tila dinuduyan ako sa pagkahinhin.
Gusto ko man imulat ang aking mga mata para tignan kung sino ang nagsasalita pero hindi umaayon ang aking katawan sa aking nais. Para bang napakabigat nito at may kung anong pwersa na tumutulak sa akin.
"Marahil masyadong naubos ang enerhiya ng kanyang kaluluwa ng dalhin ito rito." Sambit naman ng kasama nito.
Naramdaman ko ang paglapat ng isang kamay sa aking noo at may kung anong init mula sa kamay na iyon na pumasa sa aking katawan. Doon ay unti unti gumaan ang aking katawan at akala mo may nag-alis ng nagpapabigat nito.
"Prima, panahon na para gumising ka." Bulong pa ng malamyos na boses na iyon sa akin.
Doon ay unti-unti ko iminul
