Napanganga ako nang mamangha sa ganda ng tahanan ni Urd. Pagkatapos namin na magkita ay agaran rin nagpaalam sina Bellona, Flora at Cytherea sa amin dahil may trabaho silang kailangan pang gawin sa tahanan ng kanilang Panginoon. Kaya isinama na lang ako ni Urd pabalik sa kanyang tahanan para personal na makausap.
"Napakaganda." Komento ko dahil sa ganda ng kanyang tinitirhan. "Mas maganda pa ito sa kahit anong palasyo sa lupa."
"Masaya ako na nagustuhan mo ang aking tahanan." Nakangiting sambit niya saka ako pinaupo sa isang malambot na sofa habang naupo naman siya sa aking harapan. "Hanggang kailan mong gustuhin ay maaari kang manirahan dito. Isipin mo na rin ito bilang pangalawang tirahan mo sa mundong ito."
Napatango ako ng ulo bago nahihiyang pinagdutdot ang mga daliri. Ibig sabihin
