Pagdating ng mag-asawang Royzaldi at Liliana sa kinaroroonan ng maharlikang mag-asawa ay naramdaman ni Liliana ang paghigpit sa paghawak ni Roy sa kanyang bewang. Pagtingin niya sa asawa ay titig na titig ito ngayon sa kanyang kaibigan na si Ariadne.
Nakaramdam ng kirot sa kanyang puso si Liliana na malaman na iniibig pa rin ng kanyang asawa ang kanyang matalik na kaibigan. Akala niya na dahil sa kinasal na sila ay nakuha na niya ang puso ng lalaki.
"Liliana, Roy!" Masayang pagbati sa kanila ni Ariadne nang mapansin ang kanilang pagdating.
Tumikhim naman si Liliana at binigyan ng isang pilit na ngiti si Ariadne. "Pasensiya na kung natagalan kami." Pagrarason niya. "May mga kausap pa kasi na opisyales si Roy."
Natigilan naman si Roy sa ipinaalam ng asawa kina Hari Prometheus at Reyna Ar
