Sobra sobra ang galit ni Dervis dahil umabot ng mahigit na isang araw ang kanilang paghahanap ng mismong lokasyon ng kuta ni Xerxes. Nalaman nila na nasa pinakaliblib itong parte ng kagubatan sa pagitan ng dalawang bayan, ang Carmelia at Opalin. Hindi ito basta basta kayang puntahan dahil na rin sa maraming mga halimaw ang nakatira sa gubat na ito.
"Boss, nakahanda na ang lahat." Pagbibigay alam ni Zion sa kanilang lider bago nakaramdam ng kakaibang kilabot na gumapang sa kanyang buong katawan.
Hindi naman nag-angat ng tingin si Dervis ngunit kahit sino ay matatakot kung makikita siya na walang kaimik imik sa paglilinis at pagpapatulis ng kanyang mga espada. Mararamdaman rin ng kahit sino ang labis na pagkauhaw niya sa pagdanak ng dugo.
Matagal tagal na rin ng huli nila masaksihan na g
