Pinagmamasdan ko ang paligid at hindi ko napigilang mamangha sa ganda ng mga muwebles ng mansyon ni Mr. Suarez. Mula sa mataas nitong kisame na may mga nakasabit na kumikinang na palamuti at isang napakalaking chandelier sa gitna nito na yari sa diyamante hanggang sa sahig na gawa sa marmol. Hindi ko naiwasang mapanganga habang sinusuri ang lawak ng higanteng bahay.
“Pasensya na kung natagalan ako, Justin!”
Tila nagising ako mula sa isang napakagandang panaginip nang biglang may magsalita mula sa itaas.
Napatingala ako at nakita si Rose na bumababa mula sa napakataas na hagdanan. Imbes na sa babae ay sa barandilya ako niyon napatingin. Yari kasi iyon sa ginto na pumukaw sa aking atensyon.
Muli kong ibinalik ang aking paningin sa babaeng tuluyan nang nakababa. Lumapit ito sa akin at niy
