"Ayaw mo bang ipaalam kay Kelvin, Annie?" tanong ni Alex.
Nakauwi na siya mula sa hospital at kinakailangan ng bed rest upang hindi maapektuhan ang bata sa kanyang sinapupunan. Ngayon nga ay dinalhan siya nito ng makakain sa kuwarto at hindi muna pinapakilos. Alagang alaga siya ni Alex kasabay ng pag-aalala nito sa kanyang kalagayan. Nagi-guiltu siya dahil alam niyang may pinagdadaanan rin ang kaibigan.
"Hindi na kailangan pa, Alex. Hindi na kailangan pang malaman ng ama ng bata ang tungkol sa kanya. Bubuhayin ko ang anak ko na mag-isa," buo sa loob na desisyon niya. Hindi nila maaring malaman ang katotohanan kaya patuloy at lalong lumalaki ang kanyang kasinungalingan.
"Bakit ayaw mong sabihin? May nagawa ba si Kelvin? Niloko ka ba niya, Annie?"
Hindi siya sumagot. Nakagat lamang niya
