Magaling na si Chester ngunit tila ginawa naman na ang bahay niya na boarding house nito. Uuwi kung kailan gusto. Lalo at iniwan muna sa kanya si Lexter imbes na ito muna ang kasama.
"Hindi siguro ako makakauwi ng tatlong araw," ika nito habang nagluluto. Hindi niya ito nililibre sa pananatili sa bahay niya. Kaya ito ngayon ang nagluluto lalo at request ng anak nila. Tapos naman na niyang gawin ang salad na para sa kanya. Ngayon nga ay pinapanood niya itong nagluluto.
Nasa kuwarto si Lexter at gumagawa ng assignment. Kararating lang nila ni Chester at inutusan niya agad na magluto.
"Kumusta ang trabaho?" kaswal na tanong niya rito. Napansin niya na napatigil ito ngunit agad rin naman sumagot.
"Surviving..." tipid na sagot ni Chester sa kanya.
Hindi siya nakikialam o nagtatanong sa mg
