KANINA pa sinusubukang alisin ni Isabella ang singsing na nasa daliri niya pero kahit anong gawin niya hindi ito matanggal. Sinabon na niya ito at pinaikot ang singsing sa daliri niya para madaling maalis kaya lang nabigo siya. Sinubukan din niyang lagyan ng lotion ang kamay partikular na ang daliri niya. Ngunit ni hindi niya mapaikot ang singsing. Kaya tinigilan na niya lalo na nang maramdaman niyang nanakit ang kanyang daliri.
Pagkatapos nito ang hikaw naman niya ang kanyang isinunod. Ngunit katulad ng singsing niya, hindi rin ito maalis sa tainga niya. Napahiyaw pa nga siya sa sakit nang pilitin niyang hugutin ito na para bang sasama ang laman sa tainga niya.
Napabuga na lang siya ng hangin habang pinagmamasadan ang kanyang sarili sa salamin. Naisipan niyang tanggalin ang suot na brac
