“OKAY ka na, hindi ba? Puwede mo na ba akong bitiwan?” pakiusap ni Richard kay Isabella.
Akala ng binata kakalas na ang dalaga sa kanya. Ngunit ilang segundo muna ang lumipas bago niya naramdamang lumuwag ang pagkakayakap nito sa kanya hanggang sa tuluyan siya nitong pinakawalan.
“Oops! Pasensiya na. Na-carried away lang ako. Gumaan kasi ang pakiramdam ko nang mayakap kita,” matipid ang ngiting sabi ni Isabella.
Hindi nakaimik si Richard. Nanlalaki ang mga matang nakatitig lang siya kay Isabella. Hindi siya makapaniwala sa narinig mula rito. Bakit kaya gano’n ang sinabi nito? Anong mayroon sa kanya na bumibigat at gumagaan ang pakiramdam nito? Nalilito na talaga siya? Hindi kaya naaalala na siya ni Isabella?
“Totoo ba iyong sinabi mo kanina na wala ka pang girlfriend?”
Napakurap ng
