“HALIKA NA, Isabella. Baka naghihintay na sila sa atin,” yakag ni Genevieve nang lapitan nito si Isabella.
Napahinto naman si Isabella sa pag-aayos ng kanyang gamit. Kunot-noong tinititigan niya si Genevieve. “Sino naman ang naghihintay sa atin?”
“Sino pa nga ba kung hindi sina Derrick at Richard? Bilisan mo na. Gusto ko nang makita ang boyfriend ko. Baka mainip na rin iyong isa sa paghihintay sa iyo.”
Nagsalubong ang kilay ni Isabella sa huling sinabi ni Genevieve.
“Sino bang maiinip na tinutukoy mo, ha?” usisa niya habang ipinagpapatuloy ang pag-aayos ng kanyang gamit sa ibabaw ng mesa niya.
“Hay, naku! Ano ba naman iyan? Si Richard ang tinutukoy ko. Kaya tara na. Labas na tayo,” pangungulit nito.
“Sino ba iyong Richard na sinasabi mo? Hindi ko naman siya kilala.”
Pinandilatan siy
