Pagkatapos ng isang buong araw sa trabaho ni Yna ay sa wakas naisipan na niyang umuwi. Siguro naman ay wala nang tao sa bahay niya kaya makakatulog na siya ngayon ng mahimbing. Naghanda na si Yna para pag-alis kaya binilin nalang niya Jes ang clinic. Alas kwatro na nang hapon at malamang nasa opisina nito si Paul o kung saan mang lupalop ito naroon. O kaya ay sa girlfriend nito. Ang totoo ay pagkatapos nang pagpunta ng lalaki sa bahay niya ay isang linggo siyang umiwas dito. Alam niyang nakakahalata na si Paul at wala siyang pakialam.
Bawal bang mag-inarte?
Wala siyang dapat pakialam at hindi siya dapat nagrereklamo. Ayaw lang talaga niyang makasama muna ang lalaki dahil gusto niyang mag-isa. Medyo traffic ang daan dahil rush hour ngayon kaya matagal bago naka-usad ang sasakyan ni Yna. N
