TUWING naiisip ni Cathellya na baka panaginip lang ang lahat ng nangyari sa kanya, tinitingnan niya ang kamay niya. Nakakahinga siya nang maluwag tuwing nakikita niyang nakasuot sa daliri niya ang emerald engagement ring niya.
Halos hindi siya iniwan ni Seth habang nasa ospital siya at nagpapagaling. Pangit ang iniwang pinsala ng apoy sa balat niya sa binti, ngunit natingnan na iyon ng plastic surgeon. Ayaw sana niya dahil wala siyang pera para doon ngunit nagpumilit si Tita Antonina. Ayaw raw nitong may makakapagpaalala sa kanya ng lahat ng nangyaring masama.
Nagdesisyon siyang huwag na lang magsampa ng demanda. Hindi sang-ayon si Seth at ilang oras silang nagdiskusyon. Ayaw nitong basta na lang pakawalan ang dalawa.
“You almost died!” singhal nito na tila siya ang kaaway nito. “They’r
