NANG magkamalay si Cathellya ay hindi lang si Seth ang nasa silid niya. Puno na rin ng mga bulaklak ang paligid. Hawak pa rin ni Seth ang kamay niya.
Unang lumapit sa kama niya si Tita Antonina. “How are you feeling?”
“G-good,” tugon niya.
Niyakap siya nito. “Tinakot mo `ko, hija.”
“Mommy, careful,” saway ni Seth sa ina nito. “Baka nasasaktan si Cath. Huwag pong masyadong mahigpit.”
“Okay lang,” sabi niya. Kailangan talaga niya ng yakap nito. Kailangan niyang maramdaman na buhay talaga siya at wala nang mangyayaring masama sa kanya.
“Just be careful,” sabi pa rin ni Seth. “Not too tight,” sabi na naman nito sa ina na umani ng matinding irap.
Hindi na ito gaanong pinansin ni Tita Antonina pagkatapos nitong umirap. Binati at kinumusta siya ng mga pinsan ni Seth. Tila nag-aalala nang
