BINUKSAN ko ang laptop na nasa ibabaw ng lamesa sa harapan ko.
Nandito na ang dalawang team sa conference room at naghihintay na lang na simulan ko ang presentation.
Natigilan ang pag-uusap namin ni Kazu kanina sa opisina niya nang biglang kumatok si Bianca at i-inform kami na magsisimula na ang meeting.
Hindi ko alam kung anong isasagot ko sa panibago na naman niyang offer.
Sino namang anak kasi ang ihaharap ko sa kaniya? Si Laura? Edi, pinatay ako ni Jane!
At bukod roon, hindi ko maintindihan anong pumasok sa kukote ng lalaking 'yon at handa niyang tanggapin ang kunwaring bunga ng pangloloko ko sa kaniya five years ago.
Nasisiraan na ba siya ng bait? O naisip niyang 'yon ang pinaka-mabisang paraan para mapapayag ako sa gusto niyang mangyari?
Ganoon ba siya ka-desperadong ma
