HINDI ko talaga matandaan na sinabi ko ‘yon, ah? Sa dami ng babaeng nilalandi niya nalito na ang kumag! Siguro si Ara ang nagsabi no’n sa kaniya!
Lalo akong nakaramdam ng inis.
Ready na sana akong bungangaan siya nang sunod-sunod na may kumatok sa pinto.
“Delivery!”
Napapailing na tumayo si Kazu saka naglakad papunta sa pintuan.
Sinundan ko siya ng masamang tingin hanggang makabalik dala ang box ng pizza.
“Ito na pizza mo,” sabi niyang naupo sa tabi ko. “Huwag ka na magalit diyan.”
Nakabusangot na hinablot ko ang box sa kaniya at inilagay sa kandungan ko. Ilang araw na ‘kong nag-ca-crave sa pizza. Kaso sa tuwing binabalak ko namang bumili, nasusuka ako bigla.
Sari-sari na nararamdaman ko lately dahil sa stress sa preparation ng anniversary ng hotel. Migraine, acid reflux at fat
