Yuki
7:30 PM na nang makauwi kami ng bahay. Halata sa bawat isa ang pagod. Ang kambal nga ay nakatulugan ang byahe.
Pagkapark ng sasakyan, ginising ko na agad ang dalawa. Nagising sila pero nagpabuhat naman. Ako ang bumuhat kay Yannie dahil medyo magaan ito at si Kuya Rio ang bumuhat kay Yuckie. Sobrang pa-baby ang mga batang 'to.
Pumasok na kami sa bahay. Dumeretso kami sa dining area at naabutan namin sila Mommy na kumakain. Nagulat ako nang makita ang kuya ko.
"Kuya Yue?" Napalingon silang lahat sa akin. Napangiti naman si kuya nang makita ako.
Kailan pa siya dumating?
Tumayo siya mula sa kinauupuan niya at lumapit sa amin.
"Hi princess." Nakangiting sabi niya sabay abot ng buhok ko at ginulo ito. Paborito niya itong gawin sa amin na mga kapatid niya. Napangiti na lang ako.
