RIO
Hindi ko alam kung ilang beses na akong umiyak habang hawak-hawak ko ang kamay ni Yuki. Pero walang-wala iyon sa maaring maramdaman niya dahil sa kanyang sinapit.
Marahil hindi pa ito ngayon sapagkat natutulog pa siya at nagpapagaling. Subalit nakakasigurado ako na lubos siyang masasaktan sa mga ginawa ko sa kanya sa oras na magising siya.
Mabuti na lamang at 'di gaanong nauntog ang ulo niya sa sahig mula sa pagkakagulong niya sa hagdanan. Nagkaroon lang siya ng ilang minor injuries.
Kahit papano ay nakahinga ako ng maluwag sapagkat hindi ganoon kakumplikado ang nangyari sa kanya. Pero wala pa rin ibang pwedeng sisihin sa lahat kundi ako.
Kung hindi dahil sa pagtataksil ko sa kanya ay hindi siya magkakaganoon. Hindi sana siya maaaksidente.
Kasalukuyan siyang natutul
