-=Brielle's Point of View=-
"Ok ka lang ba Bri?" nagulat naman ako nang marinig kong ang tanong na iyon ni Cassie na nasa likuran ko na pala.
Hindi ko naman namalayan na kanina pa pala ako bulong ng bulong na siyang mismong napansin ni Cassie. Hanggang ngayon kasi ay nararamdaman ko ang galit sa dibdib ko nang makita ko ang taong iyon.
"Oo naman, ok lang ako." agad kong sagot dito, ngunit mukhang hindi naman ito naniwala kaya ito lumapit sa akin.
"Brielle... sa akin ka pa ba maglilihim? Kilalang kilala kita, kaya alam ko kung may bumabagabag sayo. Kaya sabihin mo na sa akin ang totoo." nakangiting sinabi nito.
Minabuti kong sabihin dito ang nangyari kagabi.
"Natatandaan mo ba noong gabing dinala natin si Tatay sa ospital?" tanong ko dito, agad naman itong napatango, kaya naman minabu
