#ThatGuyBook2FallInLoveWithMe
EPISODE 73
“Ano? Nakita mo na ba iyong picture na pinost ko sa sss?” tanong sa akin ni Timothy. Nakangiti pa siya. Kanina pa siya nakabalik rito sa loob ng opisina.
Tiningnan ko siya. Sa totoo lang, masaya ako na nakita ko iyon pero kasi…
“Oo…” sagot ko sa tanong niya. “Ahm… Tim… Pwede bang i-hide mo o i-delete ang picture na ‘yun natin sa sss mo.” Sabi ko na ikinasalubong ng magkabilang kilay at napakunot sa noo niya.
“Ha? Bakit naman?” tanong niya. Inayos pa ang salamin sa mata.
“Alam mo na kung bakit….” Sabi ko. Napabuntong-hininga.
Sumeryoso ang mukha niya.
“Dahil ba marami nakakakita?” tanong niya.
Tumango ako.
“Hanggang sa sss ba naman… Hindi natin pwedeng ilantad ang sa ating dalawa?” tanong niya
