Final
INAYOS ni Cee ang suot na toga at saka inilibot ang paningin sa concert studio na kung saan gaganapin ang graduation ceremony nila. Sa sobrang dami ng tao ay hindi niya magawang makita kung nandito ba si Rake.
Graduation na nila. Dalawang linggo na ang lumipas simula no'ng huli niyang nakita si Rake. Dalawang linggo na rin ang lumipas simula no'ng kinausap niya ang daddy nito.
Hindi niya alam kung ano na ang nangyayari. Kahit ano'ng ulit siyang sabihan ni Tita Rhea at Remy na magiging ayos din ang lahat, hindi niya maiwasang kabahan.
"Looking for him?" anang tinig sa gilid niya.
Nginitian ni Cee si Tito Johan. Nang malaman niyang nakalabas na ito ng ospital at malakas na, kinausap niya ito at hiniling na ito ang magsabit ng medalya sa kanya. Ang akala nga ni Cee ay maiiyak pa it
