"MOM... WILL I be doing the right thing?" mahinang ani Cee habang nakatingin sa marmol sa sahig. Nandito siya ngayon sa sementeryo at kinakausap ang mommy niya.
Kailangan niya ang tulong nito ngayon.
"Masyado ba akong pakialamera kung gagawin ko kung ano man ang nasa isip ko ngayon? Makakatulong ba ako kay Rake? O makakagulo lang?" mahinang dagdag niya.
She heaved a sigh. Kinapa niya ang suot na bracelet na galing kay Rake. Ang akala niya ay magiging madali lang 'to. Hindi pala. Sino ba kasi ang nagsabi na madali ang magmahal? Mahirap. Masakit. Nakakaloka.
"Sabi niya, ginagawa niya ang lahat para bumalik sa akin. Iniisip ko lang, kailangan bang si Rake na lamang lagi, Ma? Hindi ba puwedeng ipaglaban ko rin siya? Kasi, Ma, hindi lang naman si Rake ang nagmamahal. Mahal ko rin siya, Ma,
