Naghinay-hinay lamang siya sa pagpapatakbo, hanggang sa tumigil ang red dot sa kanyang cellphone, senyales na tumigil na din ang sinasakyang tricycle ni Antheia.
"Binggo! Hahahah! Akala mo ah," natatawang bulalas niya at saka ipinagpatuloy ang pagmamaneho niya. Hindi naman kalayuan sa direksyon niya naroroon si Antheia.
Ilang sandali lang narating din niya ang lugar kung saan nakita niyang bumaba na si Antheia mula sa tricycle at nag-aabot na ng kanyang pamasahe.
Mabilis siyang kumilos at kaagad na nagpreno at tumigil sa isang tabi. Ganoon na lamang ang gulat ni Antheia ng makita siya nitong bumaba ng sasakyan.
"Ikaw na naman!" Malakas na sigaw niya. Tinanggal niya ang suot niyang stiletto heels sandals at binitbit iyon saka nagmamadaling tumakbo paakyat sa isang sementadong daan patun
