CHAPTER 18
ALINA TESORO
NAGISING AKO na masakit ang ulo at animoy mabibiyak. Nang iikot ko ang mata ko ay nasa kwarto na namin ako ni Landon. Hindi ko alam kung paano ako nakauwi, kung sino ang naghatid sa akin at kung sino ang nagbayad ng ininom ko dahil sa kalasingan ko. At gusto ko na lang humagalpak ng tawa ng imbes na unan ang yakap ko ay ang bote ko ng Bacardi na hindi ko alam na hanggang dito sa bahay ay dala ko.
Hindi ko alam kung nauntog ako kagabi kaya imbes na bumangon ay kinuha ko na lang ang phone ko at kinunan ang sarili ko and send it to Via. Hindi pa lumilipas ang ilang segundo ay tumatawag na siya at rinig na rinig ko ang tawa niya na animoy nababaliw na.
“Wtf, Alina! Are you that drunk to bring home that Bacardi?”
“I don’t know. Paggising ko ay nasa tabi ko
