CHAPTER 19
ALINA TESORO
SA DAMI ng nangyayari sa buhay ko nitong mga nakaraan ay hindi ko alam kung buhay pa ang puso ko. Baka hindi ko alam ay sinukuan na ako nito dahil masyado na itong napagod sa mga sakit na binibigay ko sa kanya.
Sa pagod ko kakaiyak at kalasingan ay nakatulog na ako. Hindi ko nga alam na natulog na pala ako basta ang huling naaalala ko ay umiiyak lang ako ng walang tigil habang nasa tabi ko si Via. Nakakapagod pa lang maging artista at wala kang gagawin kung hindi ang umiyak.
Pakiramdam ko ay sobrang sama ko ng tao dahil puro na lang masama ang nangyayari sa akin. Ito na yata ang karma ko sa sobrang pagiging babaero ng Tatay ko. Ako ang nagbabayad sa mga kasalanan niya sa mga babaeng niloko at ginamit niya para lang maging masaya. Sana kung ako man nga a
