CHAPTER 31
ALINA TESORO
NANG UNANG BESES ko silang makita sa loob ng garden na ‘yun akala ko ay namamalikmata lang ako. Ilang beses ko pang kinurot ang sarili ko noon dahil baka sakaling mali ako ng nakikita pero habang naglalakad ako palapit sa kanila ay mas lalo lang lumilinaw ang mukha nilang dalawa.
At ngayon na muli ko na naman silang nakaharap ay hindi ko na sila pwedeng takbuhan. Hindi ko na sila pwedeng iwasan pa dahil kahit anong gawin ko ay magkakaharap at magkakaharap din kami. Sabi nga ni Via ay ganun-ganun na lang daw ba ‘yon? Hahayaan ko na lang silang maging masaya samantalang ako ay heto at parang pinapatay sa bawat oras na naiisip ko ang kagaguhang ginawa nila sa akin.
“Won’t you ask your wife if I am okay?” baling ko kay Landon na tahimik pa rin at hindi makap
