CHAPTER 30
ALINA TESORO
ANG SABI ko noon sa sarili ko kung totoo nga na may babae si Landon at mas mahal niya ito sa akin ay papalayain ko na siya. Ibibigay ko sa kanya ang kasiyahan na hindi ko naibigay noon. Hahayaan ko siyang piliin ang babaeng mahal niya, pero ngayon na nasa posisyon akong ay gusto ko ng bawiin ang mga sinabi ko.
Gusto ko na lang maging madamot at patuloy pa siyang ipagdamot sa mga taong gusto siyang makuha sa akin. Mga taong rason kung bakit hindi ko na kilala pa ang lalaking pinakasalan ko.
Ang makitang may kahalikang iba ang asawa ko at pinapanood ang bawat reaksyon niya habang nakatingin sa babaeng nasa harap niya ay parang dumudurog sa akin. Ang puso ko noon na masakit lang ngayon ay dahan-dahan ng nababasag at hindi ko na alam kung paano pa ito mabub
