CHAPTER 22
ALINA TESORO
“YNA! Kanina ka pa tulala diyan.”
Nilingon ko si Via na hindi ko namalayan na dumating na pala. Ang mga bata ay hindi pa umuuwi dahil gusto pa nilang manatili sa bahay ni Mommy. “Nasaan na ang kape ko?” tanong ko ng hindi makita ang pinapadala ko sa kanya.
“Kanina pa nandiyan sa harap mo. Palibhasa iba lang yata ang nasa isip mo eh,” komento niya pa ng maupo sa harap ko.
“Ano bang ginagawa mo dito sa bahay ng ganito kaaga?”
Natutulog pa ako ng tumawag siya para sabihin na dadaan siya dito sa bahay. Tulog pa si Landon kaya pinagdala ko na siya ng almusal dahil tinatamad akong magluto para sa sarili namin. Wala naman ang mga bata kaya ayos lang kahit ano ang kainin naming dalawa.
“Wala gusto ko lang makibalita sa kung ano ang nangyayari sa buhay mo.”
