SWITZERLAND, EUROPE
SUNOD-SUNOD na pag ring ng cellphone ang natanggap ni Mai ng umagang ‘yun habang natutulog siya kaya naman hindi niya maiwasan na makaramdam ng konting pagka inis. Pakiramdam niya kasi ay hindi pa siya nakakapag pahinga nang maayos dahil parang iisang oras pa lang ang naitutulog niya kahit ang totoo ay pitong oras na siyang nakakapag pahinga sa kaniyang kama na hindi naman kalambutan at hindi rin naman ganon kalakihan.
Dahil hindi pa rin tumitigil ang pag ring ng cellphone niya kaya naman wala na siyang nagawa pa kundi abutin na ‘yun mula sa pagkakapatong no’n sa maliit at simpleng bed side table niya. Gusto niya ay maging mapayapa naman ang pag tulong niya dahil para sa kaniya ay deserve niya ‘yun matapos niyang mag trabaho kagabi hanggang madaling araw sa resto bar.
