Kinakabahan si Nathalie na pumasok sa kanilang bahay. Baka kasi pagpasok niya, ang Daddy niya ang madatnan sa loob. Laking pasalamat na lang din niya dahil walang tao sa sala at naalala niyang sabado pala. Nasa opisina ang mga magulang niya 'pag ganitong araw at inaayos ang mga papeles sa buong weekdays.
Walang ingay siyang dumiretso sa hagdanan at dahan-dahan na humakbang.
"Where have you been?" Hindi pa siya nakakahakbang sa unang baitang ng hagdan nang marinig niya ang boses ng kanyang ama. Dahan-dahan siyang lumingon at pilit ngumiti.
"Kay Sofia po," aniya sa Ama. Dinig niya kung paano magtambulan ang kanyang dibdib sa sobrang kaba. Natatakot siya kung paano siya titigan ng kanyang ama. Kinakabahan siya at pinagpapawisan ng malapot. Ang buong akala niya ay wala ang kanyang mga magu
