-ANGELICA-
Kasalukuyan kaming kumakain ng almusal nina Mama at Papa. Plano ko ring magpaalam ngayon tungkol sa gagawin naming overnight sa Cebu for 3 days. Kinakabahan ako dahil baka hindi ako payagan. 'Yong isang araw nga lang ay inabot pa ng 2 days bago ako payagan, paano pa kaya kung 3 days tapos sa Cebu pa? Nasaan na ba si Jah? Sabi ko sa kanya tulungan niya akong magpaalam para payagan ako. Kaya lang hanggang ngayon ay wala pa siya. Tatawagan ko na sana siya ng marinig kong may kumakatok. Nakahinga ako ng maluwag. Siya na siguro iyan.
"Ma, Pa, may tao po. Bubuksan ko lang po," paalam ko sa kanila bago ako tumayo at buksan ang pinto. Tama nga ako si Jah nga ang dumating pero mas nagulat ako sa mga dala niya. Isang human size na panda stuff toys, isang bouquet ng bulaklak, at isang
