Palapit pa lamang si Duncan sa kanya na nakatayo sa bungad ng pintuan ng bahay nito ay agad nang napakunot ang kanyang noo nang makitang may kasama itong babaeng maganda at magkahawak pa ang kanilang mga kamay habang naglalakad.
"Ano ang ibig sabihin nito, Duncan? Bakit hawak mo ang kamay ng babaeng iyan? Sino siya?" hindi niya napigilang itanong. Hindi man niya aminin ngunit malakas ang kutob niya na hindi maganda ang sasabihin sa kanya ni Duncan.
Ngumiti sa kanya ang babae na parang mahiyain ngunit iba ang pakiramdam niya sa ngiti nito. Parang sa halip na nahihiyang ngiti ang dating sa kanya ay tila naging pagbabanta ang ngiti nito.
"Helena, magmula ngayon ay dito na titira si Alena," seryoso ang mukha na sabi ni Duncan sa kanya.
"Ano ang ibig mong sabihin na dito siya titira? At ba
