Nagising akong may kaunting sakit ng ulo na nararamdaman. Agad kong inilibot ang paningin ko sa kabuuan ng kwarto kung nasaan ako upang hanapin si Boss Dwayne. Pero wala siya kaya nagdesisyon akong bumangon na lamang muna. Pero hindi pa man ako tuluyang nakakabangon ay bigla nang bumukas ang pintuan ng banyo.
Nang nakita niya ako ay agad siyang lumapit sa akin kahit medyo basa pa ang buhok niya at nakatapis lamang ng tuwalya.
Umatras ako ng bahagya nang maupo siya sa dulong parte ng kama, hindi kalayuan sa akin. "Magbihis ka muna," sabay iwas ko ng tingin.
Narinig ko ang tunog ng kan'yang pagngisi. "Mukhang hindi ka na lasing."
Napalunok ako. Nahimasmasan na nga ako. Medyo lasing ako kagabi pero hindi ko naman nakakalimutan ang mga pangyayari kagabi. Lalong-lalo na ang mga salitang ini
