Napatakip ako sa bibig ko habang pinapanood silang maglampungan sa harap ko.
"Lumina!" gulat na saad ni Zoren. Natigilan silang lahat at nilingon ako. Habang si Dwayne ay parang walang pakealam at nagpatuloy lang sa ginagawa.
Napalunok ako. Humugot ako ng malalim na hininga kasabay ng pagkuyom ng mga kamao ko. Kagat-kagat ko ang labi ko habang naglalakad ng dahan-dahan palapit kay Dwayne. Nagbabadya ang mga luha sa aking mga mata pero pinilit ko ang sarili kong huwag maiyak. Hindi pwedeng basta na lamang akong umiyak sa harapan niya dahil lang nasasaktan ako sa nakikita ko.
"D-Dwayne..." tawag pansin ko kay Dwayne nang nakalapit ako.
Tumigil silang dalawa ng babae niya sa halikang ginagawa. Nag angat ng tingin sa akin ang babae pero si Dwayne ay nanatiling nakapikit ang mga mata. Mukha
