Matapos ang ilang linggo kong pananatili sa hospital mula nang nagising ako ay tuluyan na ngang naghilom ang mga sugat ko. Maging ang lakas ko'y nagbalik na.
Ngayon na ang labas ko sa hospital at hinihintay ko na lamang si Dwayne na inaasikaso pa ang bills ko.
Kasalukuyan kong pinapanood ang paglubog ng araw mula dito sa malaking bintana ng hospital room ko nang biglang may dalawang brasong lumingkis sa bewang ko. Nang nasinghot ko ang gamit niyang pabango ay napangiti agad ako.
"Tapos ka na?" tanong ko kay Dwayne. Ipinatong niya ang baba niya sa balikat ko, at sabay naming pinanood ang kalangitang nagkukulay kahel na.
"Mm..."
"Kung gano'n ay ano pang hinihintay natin, Dwayne? Umuwi na tayo." Tinangka kong kalasin ang mga braso niya pero hinigpitan niya iyon at mas sumiksik pa sa akin
