Nagising ako, at agad na nagdiretso ang paningin ko sa puting kisame.
"Lumina!" Narinig ko agad ang boses ni Dwayne. Lumingon ako sa gawi kung saan iyon nagmula. Nagtagpo ang aming mga mata.
"Dwayne..." Sa nanghihinang boses ay banggit ko sa pangalan niya.
"Thank God! You're finally awake!" ani Dwayne. Naramdaman ko ang mahigpit na hawak niya sa kamay ko. "Wait, I'll call the doctors."
Binitiwan niya ako, upang magtungo sa labas. Nang nakabalik siya ay may mga doktor na siyang kasama, at agad na dumulog sa akin. Nilagyan nila ako ng kung ano-anong aparatus.
Ilang minuto pang nagtagal sa akin ang mga doktor bago ako nabigyan ng pagkakataong makausap si Dwayne.
"I-iyong mga parteng nasunog na lang, Lumina at gagaling ka na." Pumiyok ang boses ni Dwayne. Napansin ko ang agad na pamumula
