Matapos maibuhos ni Nihan ang lahat sa pamamagitan ng pag-iyak ay pumasok na siya sa loob ng bahay.
Nakatulong din ang hindi pagpapakita sa kaniya ni Finley. Hindi niya alam kung nasaan ito. Kung sumama ba kay Catherine, at ginamot nang walang humpay ang kapiranggot na sugat nito.
Nang maalala na naman ang nangyari kanina ay binagsak niya ang buhat na laundry basket kasabay nang pagtirik ng mga mata dahil sa naramdamang yamot.
"Hindi ba siya naiilang?"
"Halos malapit na siya, doon, o!" patuloy niyang kausap sa sarili, at hindi mabanggit ang tinutukoy na parte ng katawan ni Catherine.
Matamlay na sinipa-sipa ni Nihan ang tray para makarating sa pinto. Nasa labas kasi ang washing area ng Villa.
"Tapos, tinitigan niya lamang si Finley."
"Para ano?"
"Dapat kunin niya na 'yong bulak, a
