Nakaalalay si Finn sa dalaga nang umupo ito sa kama. Sinipat niya ng tingin ang kabuuan nito. Kaninang naglalakad si Nihan patungo sa kwarto niya ay paika-ika ito, at para bang may masakit.
"Dito ka muna, matulog ka na. Susunod na lang ako," aniya niya nang makaupo ito, at sumandal sa headboard.
"I-iyong kwarto ko, sino ba'ng gumagamit?" tanong ni Nihan.
Dinala kasi siya ni Finn sa sariling kwarto nito.
"Si Therese ba ang gumagamit?" dagdag pa niya.
Hindi sumagot ang binata, at nilagyan siya ng kumot sa ibabaw ng mga hita, bago siya tiningala,
"Gusto kitang makatabi, ayaw mo ba?"
Pumintig ang puso ng dalaga. Malinaw niyang nakikita sa mga mata nito ang hindi niya alam kung anong emosyon.
"Matulog ka na," binigyan siya ng kapirasong ngiti ni Finn.
Huminga ng malalim si Finley nang
