MUTYA POV
Nagising ako sa mahinang paghinga ang unang pumasok sa isip ko ay init hindi init ng katawan, kundi init ng presensya. Nang igalaw ko nang bahagya ang ulo ko, doon ko nakita si Sev. Nakatulog din pala siya sa sofa, nakatagilid sa akin, isang braso niya ay nasa likod ng ulo niya, ang isa’y nakapatong malapit sa akin pero hindi humahawak. Parang sinadya malapit pero may distansya.
Sumilip ako sa phone ko.
3:07 AM.
“s**t,” pabulong kong sabi.
Dahan-dahan akong umayos ng upo, pilit hindi ginagalaw ang sofa para hindi siya magising. Pero parang may sariling radar ang lalaking ‘to, dahil halos kasabay ng paggalaw ko ay gumalaw din siya.
“Hmm?” ungol niya, paos ang boses. “Okay ka lang?”
“Oo,” sagot ko agad, mahina. “Sorry… nagising kita.”
Umupo siya, kinusot ang mata, sabay tin
