MUTYA POV
“Boooooo!”
“Alis!”
“Laspag ka na!”
Sumabog ang sigawan sa loob ng bar bago pa man ako makalapit sa stage. Alas-nuwebe na ng gabi, at tulad ng dati, parang buhay na naman ang OTTS masyadong buhay. Amoy alak, pawis, pabango, at kung anu-anong emosyon na nagsasama-sama sa iisang espasyo.
Nasa stage si Lutheria.
Hindi ko man gustong matawa, kusa na lang umangat ang sulok ng labi ko. Halata sa galaw niya na pilit na lang. Walang gana. Walang spark. Ramdam ‘yon ng mga tao at mas lalong ramdam ‘yon ng mga lasing na walang preno ang bibig.
“BOOOOOO!”
“UMUWI KA NA!”
“NEXT NA LANG!”
Napatingin si Lutheria sa gilid ng stage. Kita ko ang panginginig ng panga niya, ang pamumula ng mata niya. Pagkababa niya, bigla siyang nagtatakbo papunta sa backstage pero bago tuluyang mawala, humi
