CHAPTER TWELVE
Lifli Lucas
“Hindi kita malilimutaaaaan... Hindi kita pababayaaaaaan… Hindi kitaaaa—Aray! Ba’t mo naman ako binatukan?!” tanong sa akin ni Pao.
“Para ka kasing sira sa kinakanta mo. Nang-aasar ka ba?!”
“Eh, kasi naman, ‘no! Mukha kang namatayan d’yan. Buhay pa ‘yung tao, hoy. Huwag kang excited.” Binatukan ko nga ulit. “Aray, ha! Isa pa, makakatikim ka na talaga sa akin!”
“Namatayan kaya ako ng puso. Patay na patay kay Ice.” Binatukan din ako ni Pao at mas malakas ‘yung kanya.
“Landi! Kaya kahit nasasaktan ka na mahal mo pa rin siya? Ganyan ba talaga kayong mga nagmamahal? Kahit nasasaktan na, nagpapatuloy pa rin? Parang ayoko na tuloy magmahal.”
Maya-maya ay may tatlong lalaking lumapit sa table namin.
“Hi, Lifli!” bati ni John. Nginitian ko lang siya saka nagpat
