CHAPTER THIRTEEN
Lifli Lucas
Pinapasok na kami ng adviser namin sa loob ng bus at hinanap ko na agad ang aking upuan.
Retreat na namin ngayon at sa isang private beach daw kami pupunta. Pag-aari ‘yon ng principal namin na si Sir Rowell, may rest house kasi siya ro’n kaya doon talaga madalas mag-retreat ang school namin. Excited na ako dahil ito ang kauna-unahang beses na makakapunta ako sa beach. Pangalawa ay retreat ito, sigurado ako na marami akong matututunan at mare-realize sa tatlong araw. Makakapag-isip na rin ako kung paano ako makikipag-ayos kay Ice.
Maya-maya ay may iba pang estudyante na pumasok sa loob ng bus. Sinabi ng adviser namin na may isang section daw kaming makakasama sa bus at hindi ko narinig kung anong section ‘yon dahil bigla akong dinaldal ni Pao noong mga
