Buong maghapon habang nasa laot kami ay tulala lang ako. Kung hindi pa ako tatawagin at masisigawan nila Mang Oscar ay hindi ako kikilos. Hindi kasi mawala sa isip ko si Stephanie. Natataranta ako na ewan. Oo, desisyon ko na ipasundo siya. Pero hindi ko maiwasang mag-alala. Paano kung nagising na siya? Tapos hindi siya pumayag na sumama sa kanila. Paano kung saktan nila si Stephanie? Kung ano-ano na ang iniisip ko kaya hindi ako makapag-focus sa ginagawa ko. Nabitawan ko pa nga 'yong lambat na hinihila ko eh. Kaya galit na galit si Mang Oscar dahil may mga nakawalang isda. Wala akong ibang nagawa kundi ang humingi ng sorry sa kanya.
"Ano ba ang nangyayari sa 'yo, Aga?" tanong ni Carlo sa akin. "Kanina ka pa parang wala sa sarili mo eh."
Umiling lang ako sa kanya. Hindi ko alam kung ano
