Nahigit ko ang aking paghinga noong dumaan sa tabi ko si Stephanie. Nanigas ako bigla sa kinatatayuan ko at hindi agad nakagalaw. Si Stephanie ba talaga ‘yon? Bumalik na siya sa Pinas?
“Steph- You?”
Napatitig lang ako sa lalakeng papadaan na rin sana sa akin. Pero tumigil siya dahil napatitig sa akin. Hindi ako pwedeng magkamali, siya si Reckson! Napailing ang lalake at pinagpatuloy ang paglalakad. Doon lang ako muling nakagalaw dahil sinundan ko siya ng tingin.
“Aga? Come on! H’wag mong sabihing susunod- Aga!”
Inabot ko si Christian kay Rosa at nagmamadaling lumabas ng restaurant. Sinubukan kong hanapin si Stephanie at nakita ko itong papasakay ng taxi. Hindi ko na natuloy ang paghabol ko at napatitig na lang sa sasakyang sinakyan nito. Andito na siya ulit. Kailan pa? Bakit hindi
