Craig's POV
Magmula nang mabaril ko si Shanra ay nagkulong ako sa aking bahay. Wala akong ganang lumabas at wala rin akong ganang magtrabaho kaya naman nag-apply ako ng indefinite leave. Sa loob ng maraming tson ko bilang isang pulis ay hindi pa ako nag-leave o um-absent man lang sa trabaho ko kaya mabilis na na-aprubahan ang request kong leave. Hindi kasi ako makakapag-trabaho sa ganitong kalagayan ng aking pag-iisip. Alalang-alala ako sa kalagayan ngayon ni Shanra. Hindi ko sinasadyang mabaril siya at kapag hindi siya makaligtas ay habam-buhay akong uusigin ng aking konsensiya.
Hanggang ngayon ay hindi pa rin ako makapaniwala sa aking natuklasan. Ang taong inuusig ko ay nasa tabi ko lang pala. Now I know the answers, kung bakit ilang beses na kaming naglaban at ilang beses na ring nagk
