"Si Gino ang pala ang asawa mo?" pag-uulit ni Greg nang malaman ng mga ito na naroon siya sa labas ng study room at nakikinig sa kanila. Pakiramdam niya'y katapusan na niya. Halos panawan na siya ng pag-asa na makatakas kay Gino.
"S-sir..." tanging sambit niya. Hindi niya alam kung paano ipaliliwanag. Pinangunahan na siya ng takot. Hinayaan muna siya ni Greg na makapagpahinga. Nang magpahinga siya sa kuwarto niya ay pinuntahan din naman siya ni Greg doon.
"Huwag kang mag-alala. Alam kong si Gino ang asawa mo. Nang unang dating mo sa mansyon ay pinaimbestigahan kita kaagad. Lihim na nag-imbestiga ang contact ko at nalaman kong si Gino ang kinakasama mo..." napakagat na lamang siya sa pang-ibabang labi. Tunay nga ang sinabi ni Manang Maca. Mabait si Greg.
"S-salamat, Sir." katulad ng usap
