"Manang..." kalabit ni Gregor Laxamana---ang amo ni Manang Macarena na may ari ng mansion---sa likuran ni Manang. Kasalukuyan siyang papunta sa basement para hatiran ng pagkain si Steph. Ngunit nahuli siya ng amo niya.
"S-Sir..." napaigtad si Manang sa pagkagulat.
"Saan niyo ho dadalhin iyan? Ilang araw ko na ho kayo napapansing nagdadala ng pagkain sa basement." usisa ni Greg.
Businessman ang binata at isang beses sa isang taon lamang siya nagbabakasyon sa mansion. Ngunit ang isang beses na iyon ay nagtatagal ng isang buwan. Hindi siya maaaring mawala nang matagal dahil siya ang namamahala sa Laxamana Construction Supplies. Ang isa sa pinakamalalaking construction supplies sa Pilipinas.
Isa siyang Engineer. Ngunit minabuti na lamang niya na magtayo ng construction supplies. Marami na
