Nang makilala niya si Greg ay humanga na siya sa kabaitan nito. Bonus na lang na makisig ito at guwapo. Ngunit ang pinakanagustuhan niya ay ang ugali nitong napaka-down to earth. Kahit marangya ang buhay nito ay hindi ito naging mapagmataas sa kapuwa.
"Bruha ka. Wala ka talagang balak magkuwento?" pukaw nito sa dalaga na biglang tumulala nang matapos humalakhak.
"Ano naman kasi ang ikukuwento ko?"
"Ay friend, wala. Wala naman. Baka kasi iyang batong suot ng daliri mo ay kusang sumuot lang sa daliri mo. Tapos iyang kakaibang ngiti mo e hindi ko naman pansin. Wala talaga. Wala." sarkastikong litanya ni Gracia. Nabasa naman ni Steph ang messages nito kagabi. Kaya lang ay hindi niya alam kung paano magrereply dahil lumulutang siya sa alapaap ng mga oras na iyon.
"Good to know that you're g
