Eksaktong pagkabihis niya ay nag-message na si Greg na on the way na ito papunta sa kanya. Nagmadali na lamang siyang mag-ayos para pagdating nito ay okay na siya. Sinipat niya ang sarili sa malapad na salamin sa loob ng kuwarto niya. Kung noon ay puro pasa ang nakikita niya sa braso niya pero ngayon ay makinis na ang balat niya. Noon ay halos kumulubot ang balat niya dahil sa stress na halos magmukha na siyang at matadna pero ngayon ay malusog na ito at hindi na kababakasan ng kahapon.
Magkakasunod na doorbell ang narinig niya nang pumatak ang alas-siyete ng gabi. Ang oras na napag-usapan nila ng binata. At eksakto ang dating ni Greg. Malakas ang kaba sa dibdib na binuksan niya ang pinto at bumungad sa kanya ang binata. Bahagyang napaawang ang bibig niya nang i-abot nito sa kanya ang bul
